Policia ka reaguar për herë të parë lidhur me ngjarjen e rëndë të ndodhur në fshatin Balldre të Lezhës, ku u vra me armë zjarri një person, Nikolin Marku (Lekstakaj).
Në njoftimin e saj, policia thotë se ngjarja ka ndodhur në rrethana të paqarta, ndërkohë që po punohet për kapjen e autorëve dhe zbardhjen e ngjarjes.
Reagimi i Policisë:
Lezhë/Informacion paraprak
Më datë 19.07.2023, rreth orës 18:30, në Balldre, Lezhë, në rrethana ende të paqarta është vrarë me armë zjarri shtetasi N. M (L), rreth 42 vjeç.
Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve.
Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve.